Една од најголемите диџеј ѕвезди во светски рамки, Пол ван Дајк доаѓа во „Метрополис Арена“ во Скопје на 3 февруари 2017. Ова нема да биде прв настап на овој германски диџеј на македонска територија, но ќе биде дел од неговата голема светска турнеја на која овој добитник на наградите „Греми“ ќе посети светски метрополи, меѓу кои и Скопје. Неговиот сет освен најголемите хитови кои што го лансираа на врвот, ќе биде надополнет и со траки од најновиот албум The politics of dancing 3.
Матијас Пол за домашните, Пол ван Дајк за светот, e добитник на Греми награда за албумот од 2003 насловен „Reflections“. Во 2005 и 2006 година беше прогласуван за диџеј број 1 во светот. Досега има продадено повеќе од 5.000.000 албуми ширум цел свет. И денес се брои помеѓу првите вистински суперстар диџеи.
Освен на своите траки, Пол ван Дајк работел и на песни од Мадона, „У2“, „Депеш мод“, Џастин Тимберлејк и многу други.
Оваа германска ѕвезда секоја година има свој самостоен диџеј сет во Централ Парк во Њујорк.
Влезниците за неколкучасовниот диџеј сет на Ван Дајк во Метрополис Арена во Скопје на 3 февруари, се пуштени во продажба преку проджната мрежа на „Купикартизасе“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
