Најниска температура во државава изутринава во седум часот е измерена во Берово, минус осум степени, по што се Струмица, Тетово, Скопје Петровец, Лазарополе, Демир Капија, Битола и Дебар со минус пет, Куманово, Ѓуриште, Гевгелија, Скопје Зајчев Рид, Пожаране и Прилеп со минус четири, и Виница, Штип, Крива Паланка и Тополчани со минус три. Минус два степена се регистрирани во Претор, Маврово, Охрид и Дојран, а нула во Крушево.
Како што соопшти изутринава Управата за хидрометеоролошки работи (УХМР), времето денеска ќе биде умерено, во северните делови значително облачно со услови за провејување на слаб снег на планините. Ќе дува умерен, а на југоисток повремено засилен северозападен ветер. Температурата ќе достигне од 2 до 10 степени.
Во Скопје променливо облачно со умерен северен ветер и температура до 4 степени.
Времето утре ќе биде сончево со мала до умерена облачност и студено. Ќе дува слаб до умерен источен ветер. Утринската температура ќе се движи од -10 до -3, а дневната од 0 до 6 степени.
До понеделник времето ќе биде претежно сончево и студено, со утринска температура, која на места ќе се спуштат и под -10 степени. Од понеделник кон крајот на денот ќе преовладува облачно време со повремени врнежи од дожд и од снег.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
