Во Берово утрово е измерена најниска температура од -13 степени. Според мерањата на УХМР, утрово во цела Македонија температурата била под нулата. Во Крива Паланка и Скопје Петровец се измерени -13, -10 во Штип, Куманово, Крушево, Маврово, Лазарополе и Прилеп, -9 во Демир Капија, Пожаране, Битола и Тетово, -8 во Претор, Дебар, Тополчани, Струмица, Скопје и Виница, -7 во Ѓуриште, -6 во Охрид и Гевгелија и -3 Дојран.
Врнежи не се регистрирани.
Утрово времето е малку до умерено облачно и студено со слаб ветер од променлив правец. Во текот на денот сончево со мала до умерена локална облачност и со слаб јужен ветер. Максималната температура ќе биде во интервал од 2 до 8 степени.
Во Скопје времето ќе биде сончево со мала облачност и со слаб јужен ветер. Максималната температура ќе достигне до 5 степени.
Следува период на стабилно и студено време со ниски утринските температури кои на места ќе се спуштат и под -10 степени. Зголемување на облачноста ќе има во петок и во понеделник.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
