Поранешниот селектор на македонската сениорска репрезентација Илија Темелковски, во наредниот период ќе биде предводник на младинците.
Темелковски ќе ја води младата македонска репрезентација во квалификациите за Светското првенство, кои ќе се играат во Скопје на почетокот следната година.
– Ќе се обидам да одговорам на обврската како селектор на младинците. Групата што ја имаме е солидна, против нас ги имаме Турција, Полска и Португалија. Нашата младинска селекција е квалитетна и квалификациите сигурно ќе бидат предизвик. Имаме играчи со искуство во ЛШ. Воедно, за мундијалските квалификации ќе се подготвуваме и со сениорите. Ќе сториме се да го освоиме првото место во групата и да се пласираме на СП, изјави Темелковски.
Јуниорите ќе играат во третата квалификациска група чиј домаќин ќе биде Скопје од 4 до 6 јануари 2017 година, а во кој за противници ќе ги имаат врсниците од Португалија, Полска и Турција.
Темелковски со неговите избраници ќе се подготвува во Маврово, каде подготовки на Мундиајлот во Франција ќе имаа и сениорите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
