Иако мажите продуцираат сперма во текот на целиот живот, возраста може да влијае на квалитетот на спермата. Како резултат на тоа, и покрај тоа што повеќето мажи можат да имаат деца и на постари години, тоа се отежнува после 40-тата година. Една од главните причини е тоа што формата и подвижноста на сперматозоидите се влошува со стареењето, со што станува сѐ потешко тие да оплодат јајце клетка.
Покрај тоа, опаѓа и квалитетот на спермата, а со годините мажите продуцираат и помалку тестостерон. Ова може да влијае на нивниот сексуален живот така што е веројатно дека нема да можат да имаат редовен секс, со што се редуцираат и шансите за зачнување.
Болестите за кои се потребни лекови кои можат да влијаат на сексуалниот живот на мажите, исто така се зголемуваат со годините. Одредени лекарства кои се користат против опаѓање на косата, или за зголемена простата – проблеми кои се чести кај повозрасните мажи, можат сериозно да го редуцираат волуменот на спермата. Покрај ова, лековите за намалување на крвниот притисок можат да влијаат на способноста на мажите да постигнат ерекција.
Ако двајцата партнери се помлади од 25 години, обично зачнуваат во рок од пет месеци. Доколку мажот е постар од 40-години, дури и кога жената е помлада од 25, потребни се и до две години за успешно оплодување.
Возраста исто така може да ја зголеми можноста мажите да добијат дете со генетски проблеми. Децата чии татковци имаат на 40 години имаат пет пати поголема веројатност од Даунов синдром, од тие чии татковци се под 40-годишна возраст, иако севкупната веројатност од појава на оваа состојба е релативно ниска. Спонтаните абортуси се исто така два пати поверојатни кај жените чии партнери се над 40-годишна возраст, во однос на тие чии партнери се под 25 години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
