Четири лица загинаа, најмалку 25 се хоспитализирани, многумина од нив со тешки повреди, кога товарен воз кој превезувал течен нафтен гас излета од шините и експлодираше во селото Хитрино, во североисточна Бугарија, соопшти утрово бубарската полиција.
Во експлозијата уништени се и околу 20 објекти, пренесува Танјуг.
Според дел од бугарските медиуми, некои објекти се уште горат, зафатени од пожарот настанат од експлозијата, која се случи во 04.40 часот.
– Не очекуваме друга експлозија, а во тек е евакуација на луѓето од селото Хитрино, информира претставник на полицијата.
Како што се наведува, полицијата присилно ги евакуира луѓето кои одбиваат да заминат од своите домови.
На гаснењето на пожарот и потрагата по преживеани ангажирани се 150 пожарникари, а полицијата истражува како дошло до инцидентот.
Кметът на Хитрино: Абсолютен апокалипсис! Борисов пътува натам – https://t.co/eOK5SYJHOY pic.twitter.com/xRpGVpAhjv
— ALARMA NEWS (@alarma_bg) December 10, 2016
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
