Синоќа во 22 часот на магистралниот пат Охрид-Кичево, кај местото викано „Карпа”, се случила сообраќајна незгода помеѓу автомобил голф, со струшки регистарски ознаки, управуван од С.А. (18) од Струга и автомобил голф, со охридски регистарски ознаки, управуван од С.Т. (39) од охридското село Велгошти.
Како што информираа од МВР во незгодата со тешки телесни повреди се здобиле возачите на двете возила и сопатниците од голфот со охридски регистарски ознаки, Р.Т. (35) од с.Велгошти и еден дванаесетгодишник.
Сите повредени се пренесени и задржани на лекување во болницата „Св.Еразмо“ во Охрид. Увид на местото на настанот извршила екипа од СВР Охрид, при што во периодот од 22 до 00.20 часот магистралниот пат бил затворен за сообраќај и пренасочен по регионалниот,стариот, пат Охрид-Струга.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
