По двете полуфинални вечери одржани на 14-ти и 16-ти мај, вечерва со почеток од 21 часот ќе започне финална евровизиска вечер во која една од 26-те земји финалистки ќе ја понесе титулата победник на „Евровизија 2013“, јавува „Радио мк.“ Од првата и втората полуфинална вечер беа избрани по 10 земји, а ним ќе им се придружат и претставниците од „големата петка“, како и земјата домаќин.
Со променетиот начин на гласање годинава, многу прогнози „паднаа во вода“, голем број од земјите кои високо котираа според евровизиските фанови, не успеаја да влезат во финале. Слично сценарио доживеаја и земјите од Балканот – ниту една земја од просторите на поранешна Југославија не отиде во финале, а од регионот вечерва ќе ги видиме само претставниците на нашиот јужен сосед и Романија.
По изведбата на сите 26 композиции за вечерва ќе следи гласањето кое повторно ќе биде збир од половина од гласовите на жири комисијата и половина од публиката, а во ревијалниот дел меѓу другото ќе настапи и минатогодишната победничка Лорин, која ќе го изведе нејзиниот нов сингл „We Got The Power“.
Редоследот за вечерва е следниот:
- Франција: Amandine Bourgeois – L’Enfer Et Moi
- Литванија: Andrius Pojavis – Something
- Молдавија: Aliona Moon – O Mie
- Финска: Krista Siegfrids – Marry Me
- Шпанија: ESDM – Contigo Hasta El Final
- Белгија: Roberto Bellarosa – Love Kills
- Естонија: Birgit – Et Uus Saaks Alguse
- Белорусија: Alyona Lanskaya – Solayoh
- Малта – Gianluca Bezzina – Tomorrow
- Русија: Dina Garipova – What If
- Германија: Cascada – Glorious
- Ерменија: Dorians – Lonely Planet
- Холандија: Anouk – Birds
- Романија: Cezar – It’s My Life
- Велика Британија: Bonnie Tyler – Believe In Me
- Шведска: Robin Stjenberg – You
- Унгарија: ByeAlex – Kedvesem
- Данска : Emmelie de Forest – Only Teardrops
- Исланд: Eyþór Ingi – Ég á líf
- Азербејџан: Farid Mammadov – Hold Me
- Грција: Koza Mostra feat. Agathon Iakovidis – Alcohol Is Free
- Украина: Zlata Ognevich – Gravity
- Италија: Marco Mengoni – L’Essenziale
- Норвешка: Margaret Berger – I Feed Your Love
- Грузија: Nodi Tatishvili & Sophie Gelovani – Waterfall
- Ирска: Ryan Dolan – Only Love Survives
Иако веќе подолго време фаворит за победна е Данска, сепак со новиот начин на гласање ништо не е сигурно. Спектаклот вечерва започнува во 21 часот и ќе биде пренесуван во живо на првата програма на МРТ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
