Славниот холивудски актер, режисер и продуцент Кирк Даглас, чии улоги ја одбележаа кинематографијата на 20 век, утре ќе наполни 100 години. Од почетокот на филмската кариера, 1946 година, Даглас оствари повеќе од 90 филмски улоги, а ќе остане познат, меѓу другото и по филмовите „Шампион“, „Последниот воз со Хан Гила“, „Спартак“ и други.
Иако трипати беше номиниран за Оскар за главна машка улога, 1950 година за филмот „Шампион“, 1953 за улога во филмот „Лоши и убави“ и 1957 за филмот „Желба за живот“, на славниот актер дури во 1996 година му беше доделен почесен „Оскар“ за животно дело. Кирк Даглас е роден на 9 декември 1916 година како Ишур Даниеловиќ во градот Амстердам, во сојузната држава Њујорк, во сиромашно семејство на еврејски имигранти од Гомељ, денешна Белорусија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
