Вчера околу 10.00 часот во Велес на ул. „Петре Прличко“, во близина на Автобуска станица, И.Р. (34) од Велес, откако претходно сторил прекршок по чл. 4 од ЗППЈРМ (нарушување на јавниот ред и мир со карање, викање, непристојно и дрско однесување) нападнал полициски службеник, кој се обидел да изврши легитимирање.
Пријавениот со двете раце го фатил полицискиот службеник за вратот и го давел, по што со еден удар со тупаница го удрил во градите. За да го одбие нападот и да го доведе во послушна состојба, полицискиот службеник употребил физичка сила, а со асистенција од групата за интервенција, И.Р. е лишен од слобода и донесен во ПС Велес.
Се преземаат мерки за целосно расчистување на случајот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
