На бразилскиот прволигаш Чапекоенсе ќе му биде потребно доста време за да повторно го изгради тимот, да мине низ големата трагедија која им се случи и да склопи состав кој би можел да се натпреварува на високо ниво.
Веќе неколку клубови му понудија помош и тоа не само од Бразил туку и од Аргентина, Португалија, Шпанија, а со Чапокоенсе се поврзуваат и неколку ветерани како Роналдињо, Рикелме. Во таа група сега се додава и поранешниот ас на Челси и Барселона, Ејдур Гудјонсен. Тој самиот јавно се огласи на социјалните мрежи и порача:
– Од почит би играл за Чапекоенсе, ако имаат место за мене, напиша легендарниот Исланѓанец.
За потсетување, Чапекоенсе остана без најголемиот дел од своите соиграчи и стручниот штаб, откако нивниот авион со кој патуваа на финалниот меч против Атлетико Насионал во Копа Судамерикана се сруши во Колумбија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
