Во далечното село Тана Тораџа во Индонезија, локалните жители имаат многу бизарен ритуал за погребување на мртвите бебиња. Место да ги согоруваат или закопуваат нивните тела, тие ги завиткуваат во ткаенина и ги ставаат во внатрешноста на дрвјата за на тој начин да бидат „апсорбирани“ од природата.
Народот Тораџа е познат по уникатните погребни ритуали. Починатите возрасни се оставаат во пештери сѐ до годишната прослава Ма`Нене. За време на прославата, роднините на покојниците ги вадат труповите, ги дотеруваат и ги шетаат низ улиците. Од друга страна, бебињата кои ќе умрат пред да почнат да им никнуваат заби ги оставаат да бидат „апсорбирани“ од дрвјата. Резултатот е прекрасен на свој начин, но, исто така, и морничав.
Често погребите во Тана Тораџа знаат да траат со денови. За тоа време се издлабуваат „гробови“ во џиновските стебла. Потоа бебињата се завиткуваат во ткаенина и се оставаат внатре. Отворот се покрива со испреплетени палмини гранки. Понекогаш во едно дрво се оставаат десеттина бебиња.
Иако оваа практика, можеби, ќе се чини морбидна, тоа воопшто не е така во очите на народот Тораџа. За нив претставува најголема чест нивните најсакани души да бидат апсорбирани од природата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
