Филипе Кутињо игра фантастично во оваа сезона и е еден од најзаслужните за одличните резултати на Ливерпул, па и затоа неговото отсутво во наредниот период поради повреда ќе биде сериозен хендикеп за четата на Јирген Клоп.
Додека Бразилецот се одмара од обврските и ја санира повредата на зглобот го кажа својот став, поточно ги посочи тројцата најдобри играчи на светот. Меѓу нив немаше место за првата ѕвезда на Реал Мадрид, Кристијано Роналдо, односно Филипе во прв план ја издвои напаѓачката тројка на каталонците Лионел Меси, Нејмар и Луис Суарез.
-Моите топ три играчи на светот е триото МСН. Едниот е брз, другиот умешен, а третиот топ голгетер, па сите добро се надополнуваат – изјави Кутињо за „Фор-фор-ту“.
Сепак и покрај изборот на Кутињо, напаѓачот на Реал и понатаму останува прв фаворит за Златната топка со оглед на тоа што ја освои Лигата на шампионите и Европското првенство.
-Нормално има и други во Реал како Роналдо, но тие тројца (Меси, Суарез, Нејмар) се надополнуваат – уште еднаш посочи Бразилецот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
