Град Скопје и оваа година, традиционално, го реализира Прoект за новогодишно украсување и декорирање кое е во тек и треба во наредните денови да го разубави празничниот лик на Скопје.
Епицентарот на декорирањето е поставување централна новогодишна елка, повисока од 18 метри со светлосни и други украсни елементи на плоштадот „Македонија“, како и негово украсување и декорирање со светлосни украси и ефекти. Покрај плоштадот, во поширокиот реон на централното градско јадро ќе бидат украсени и следните улици:
– Булевар „Илинден“ до раскрсницата со ул. „Френклин Рузвелт“, просторот пред Владата на Република Македонија, ул. „Даме Груев“, Булевар „Партизански одреди“ до раскрсницата со бул. „8 Септември“ и платото пред Универзална сала, ул. „Димитрие Чуповски“, ул. „11 Октомври“, Булевар „ВМРО“, ул. „Филип Втори“, на потегот од раскрсницата кај Специјалната болница за хируршки болести „Св. Наум Охридски“ до раскрсницата кај Т.Ц. „Мавровка“, просторот пред Судската палата и бул. „Гоце Делчев“ од Т.Ц. „Мавровка“до Влада на Република Македонија, Старата чаршија пред националната галерија Чифте Амам.
Исто така ќе бидат украсени и паркот „Жена борец“, просторот пред црквата „Св. Богородица“, плоштадот „Филип Втори“, пред црквата „Св. Димитрија“, улица „Македонија“, Бул. „Климент Охридски“ од Влада на РМ до зградата на „Нова Македонија“, плоштадот Пресвета Богородица, булеварот Крсте Мисирков до крстосница со улица Цветан Димов, булеварот Христо Татарчев до крстосница со булевар Гоце Делчев, до раскрсница со улица Цветан Димов и булевар Александар Македонски од крстосница со улица Беласица до крстосница со улица 16 Македонска бригада.
Декорирањето ќе го реализира фирмата Линк Медија која имаше најповолна понуда на јавниот повик и за таа цел Град Скопје ќе издвои околу 12 милиони денари. Декорирањето е во тек, додека раскрасувањето ќе биде од 15.01. до 25.01.2017 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
