Груевски: Владата што ги „гуши“ медиумите, од 2018 г. ќе ги субвенционира весниците

Оваа влада ќе им помогне на весниците да опстанат во време во кое што таму каде немаат поддршка од државата, се потешко опстануваат, порача на вечерашниот митинг во Кичево лидерот на ВМРО-ДПМНЕ, Никола Груевски.

-За прв пат ќе воведеме субвенции за весниците. Со обзир на тоа што интернетот пенетрира, порталите се повеќе добиваат на тежина и значење, весниците се потешко преживуваат. По теркот на истото во Германија, Франција или други држави, каде што државата ги субвенционира весниците за да опстанат. Владата од 2018-та година ќе воведе субвенционирање на весниците по еден правичен критериум кој дополнително ќе биде објавен, рече Груевски.

Тоа ќе го направи владата која, како што нагласи Груевски, “некој ја нарекува недемократска и дека незнам ги гушела медиумите“.

-Оваа влада ќе им помогне на весниците да опстанат во време во кое што таму каде немаат поддршка од државата, се потешко опстануваат, рече Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.