Касата на општина Центар е празна и недостасуваат финансии за да се исплатат парите на вработените, истакна градоначалникот на општината, Андреј Жерновски, на денешната седница на Советот на Општина Центар на која се разгледуваше кварталниот финансискси извештај на општината за првото треомесечие од 2013 година.
Според Жерновски, во најбогатата општина недостасуваат пари за исплата на платите, но и за подмирување на долговите предизвикани од големите кредити со кои општината во изминатиот период се задолжила.
– Со празна каза се здобив од претходниот градоначалник кога дојдов во најголемата и најбогатата општина. Само за овие три месеци имаме преземено обврски од 340 милиони денари, а толку треба да изнесуваат годишните расходи на општината. За два месеца буџетот е потрошен како за цела година – рече градоначалникот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
