Почина последниот атентатор на Тито

Во американската сојузна држава Аризона почина Радош Стевлиќ, последниот атентатор на некогашниот доживотен претседател на СФРЈ, Јосип Броз Тито.

Стевлиќ е роден во село Горња Горевница во близина на Чачак пред 78 година, а поголемиот дел од животот го поминал во емиграција, како и 10 години во американски затвор, каде издржуваше казна по пресудата за обид за атентат врз Тито.

Стевлиќ во Белград завршил Богословски факултет, но како следбеник на антикомунистичките идеи, преку Австрија и Италија пребегнал во САД.

Стевлиќ во минатогодишното интервју за „Политика“ зборуваше за неговото апсење во Чикаго пред четири децении и зошто учествувал во атентатот врз Тито, наведувајќи дека тогашната антикомунистичка емиграција во САД трипати се подготвувала за атентат на поранешниот претседател на СФРЈ.

Тој објасни дека обидите за ликвидација на Тито биле во Мексико, Филаделфија и Вашингтон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.