Едно лице загина во сообраќајка на патот Велес- Градско

Едно лице загина изутрината во сообраќајна несреќа на регионалниот пат Велес- Градско во непосредна близина на село Ногаевци, информира Анита Стојковска, портпарол на СВР Велес.

Таа посочи дека во сообраќајната несреќа учествувале товарно возило марка „Ситроен берлинго“ со скопски регистерски ознаки и влечно возило марка „Сканиа“ со приклучно возило со кумановски регистерски ознаки.

Загинатиот (58) бил возач на товарното возило „Ситроен берлинго“, а со повреди се здобило уште едно лице на возраст од 55 години кое било сопатник во товарното возило „Ситроен берлинго“.

– Увид на лице место изврши јавен обвинител во содејство со увидна екипа од Секторот за внатрешни работи Велес, информира Стојковска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.