Со голот на Диего Коста, Челзи се качи на врвот во Англија

Челзи игра во неверојатна форма, а тимот на Антонио Конте врза шест победи по ред во Премиерлигата без примен гол, по што се искачи на врвот во лигата.

Во единствениот денешен меч во најсилната лига во Англија, Челзи беше подобар противник на гостински терен против томот на Мидлсбро, создаде повеќе шанси за гол, но само еднаш погоди и кој друг ако не Диего Коста.

Во 41. минута Шпанецот се најде на вистинското место и лукаво биеше кон голот на Валдес, успеа да ја затресе неговата мрежа и да донесе три големи бода за Челси.

Победата можеше да биде и поубедлива, но Педро два пати ја погодуваше пречката од голот на Мидлсбро, а Валдес имаше и неколку одлични интервенции.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.