Мајкл Солаков, познатиот бизнисмен со македонско потекло стана член нa Бордот на директори на ЛЕАД

Мајкл Солаков, успешен бизнисмен со македонско потекло стана член на Бордот на директори на организацијата за Спроведување на законот против дрога на улиците и во училиштата (ЛЕАД).

Мајкл Солаков е извршен директор на GL Gropup, Inc., коорпорација за конструкција и развој лоцирана во Блумингејл. Солаков исто така е претседател на групацијата, односно канцелариите во Софија, Бугарија и Скопје. Групацијата изминативе 30 години се развива континуирано и сега опслужува влади, комерцијални и индустриски ентитети, како и приватни субјекти, работејќи за создавање на здрава животна средина.

Солаков исто така е и член на Бордот коалиција за меѓународни врски и спроведување на правото, која што е мрежа на правни лица, владини и корпоративни лидери, кои што креираат и промовираат мрежа помеѓу оние кои го спроведуваат законот во САД со истите субјекти во другите држави. Мајкл е оженет за Елена, има две деца, Викторија и Били.

Солаков од неодамна е член и на Бордот на директори на организацијата ЛЕАД, невладина организација за спроведување на законот против дрога на улиците и во училиштата. ЛЕАД е непрофитна организација за поддршка која е посветена за полицијата, се залага за заштита на младината и општините од зголемување на употребата на дрога, криминал поврзан со дрога, интернет злоупотреба и насилство.

Својата мисија ја спроведуваат во соработка со едукатори, општински лидери, семејства како и останатите слични организации. Нудат ресурси, стратегија и менаџмент за да се спроведе нивната мисија.  Визијата им е да се создадат здрави заедници, без дрога, злоупотреба и насилство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.