Главната политичка битка, главниот мегдан сега ќе се одигрува во Изборна единица 4 и Струмица како најголема општина во државата. Познато е дека господинот Зоран Заев се уплаши и немаше храброст, не беше доволно подготвен да излезе каде што треба во ИЕ 1 и да се соочи со неговиот противкандидат претседателот на ВМРО-ДПМНЕ Никола Груевски, истакна Александар Пандов, по денешната трибина на Граѓанското движење за одбрана на Македонија (ГДОМ) во Струмица.
– Од тука чуството за нас како претставници на ГДОМ дека токму денес треба да дојдеме во Струмица во градот кој што ќе биде главен политички мегдан и да им укажеме на граѓаните на Струмица дека токму овој град и ИЕ 4 на најдиректен начин ќе можат да одлучат дали сакаат со свиткан грб, подгрбавени, двојазични, во федерализирана држава да живеат понатака, или изборот ќе го донесат за оној носител на листа, за оној кандидат кој нуди подобар стандард за живеење, вработување, подобра инфраструктура, нови болници и училишта, субвенции… Изборот е едноставен, додаде Пандов.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
