МВР утврдило дека ништо не е утврдено

МВР во соопштението за синоќешното пукање и бркотници со автомобили во Скопје во кои е повредено едно лице, се осудуваат, како што се наведува, обидите за ширење дезинформации и невкусни инсинуации со цел добивање на политички поени, а на сметка на девалвирање на професионалноста на вработените во МВР.

На почетокот на соопштението е наведено дека интензивно, професионално и непристрасно се работи на расчистување, откако ќе го прочитате, станува јасно дека во МВР утврдиле дека:

•  местото на кое што се случиле пукотниците е неутврдено;
• сторителот е непознат;
• испукал неколку (неутврден број) на куршуми; и
• побегнал во непознат правец.

Од друга страна, повреденото лице:

• најверојатно (не е се уште утврдено) се наоѓало во својот автомобил; и
• најверојатно (пак не е сигурно) се упатило кон болница.

Она што со сигурност утврдено е дека МВР работи професионално и дека медиумите кои пишуваат дека се кријат инормации за наводна поврзаност на повредениот со врвот на СДСМ се непрофесионални. Барем нешто е утврдено.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.