Коѕијас: Изборните резултати во САД мора да се почитуваат

Грчкиот министер за надворешни работи, Никос Коѕијас ја истакна потребата од почитување на изборните резултати во САД на вонредниот состанок на 28 министри за надворешни работи на ЕУ, кој се одржа синоќа во Брисел.

Министрите се осврнаа на промените што може да ги донесе изборот на новиот претседател на САД во евроатлантските односи и прашања во врска со Европа, како што се спроведувањето на нуклеарниот договор со Иран и спогодбата за климатските промени.

Коѕиас истакна дека треба да се покаже почит без оглед на резултатите од изборите и ја истакна важноста европските одлуки да бидат разбрани и да се продолжи соработката меѓу САД и ЕУ.

– Мора да се сфати дека изборот на Доналд Трамп не е случајност, туку резултат на големи структурни проблеми со кои се соочуваат САД и со кои Европа ќе или веќе се соочува – изјави шефот на грчката дипломатија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.