Пет лица се повредени од кои две потешко во сообраќајна несреќа меѓу патничко и товарно возило што се случи попладнево на регионалниот пат Делчево – Берово кај селото Нов Истевник.
Како што изјави раководителот на Итната медицинска помош во Делчево, Гоце Стоименовски, двете лица со потешко повреди на главата и вратот се пренесени во Клиничката болница во Штип, а другите се пуштени на домашно лекување.
Возачот на товарното возило по лекарскиот преглед е пуштен на домашно лекување.
Од СВР Штип информираат дека во моментот се врши увид на местото на несреќата, а за причините кои довеле до неа дополнително ќе информираат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
