Пожаревац: Доктор силувал пациентка во општа болница

Пациентка од интерното одделение во општата болница во Пожаревац го обвини докторот Б.Ј., дека се обидел сексуално да ја искористи за време на прегледот, пренесува српски „Ало“.

Докторот веднаш е оддалечен од работата, а интервенирала и полицијата. Случајот е предаден во обвинителството, а менаџментот во болницата ги алармираше сите надлежни во здравството.

Како што наведува изворот за „Ало“ од таа болница се сè случило во понеделникот вечерта кога лекарот Б.Ј. ја повикал пациентката, која лежела на интерно одделение, во својот кабинет и ѝ рекол да се соблече за да и ги опипа лимфните јазли.

-Станува збор за 25-годишна девојка, која веќе неколку дена лежи на тоа одделение. Тој преглед никој во болницата не го барал од лекарот. Без предвид на тоа, таа го послушала докторот и влегла во кабинетот. Веднаш ѝ рекол да се соблече и таа го направила тоа. Потоа почнал прегледот. Почнал да ја допира по телото, а таа потоа сфатила дека тој сака сексуално да ја искористи. Кога излегла од кабинетот, отишла во својата соба и им се јавила на родителите. Нејзиниот татко истиот момент повикал полиција, која веднаш дошла. Полицајците ги земале изјавите од пациентката и докторот и направиле записник. Тоа го испратиле во Обвинителството, од кое треба да има реакции, наведува извор на „Ало“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.