Чистката на Мурињо почнува во јануари – следна дестинација за Шнидерлин е Милан

Жозе Мурињо најави чистка во Манчестер Јунајтед на крајот од сезоната, но продажбата на фудбалери по се изгледа ќе почне уште во јануарскиот преоден рок.

Според Калчомеркато, најблиску до заминување е францускиот репрезентативец Морган Шнидерлин во кого менаџерот нема преголема доверба. Тој одигра премалку минути во средниот ред на Јунајтед, а Мурињо дури и го врати Швајнштајгер во првиот тим пред да му даде поголема шанса на французинот, па Шнидерлин е принуден да си бара нова средина.

Неофицијално, тој ќе ја продолжи кариерата во Милан и тоа прво на позајмица, а на крајот од сезоната би требало да биде откупен. Можно е Милан во јануари да се засили и со Цеск Фабрегас кој, исто така добива минути „на лажичка“ во Челси.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.