Повеќе од пола милион Грци страдаат од депресија

Повеќе од половина милион Грци страдаат од депресии, кои се предизвикани од економската криза и последиците од неа, пишува весникот „Та неа“.

Експерти тврдат дека зголемениот број случаи на депресии е загрижувачки и би можел да изнесува колку вкупното население на три градови, како што се Патра, Јанина и Волос.

Професорот Петрос Скапинакис во врска со оваа тема истакнал дека во 2015 година бројот на луѓето во Грција кои страдаат од депресија изнесувал над 500.000 и таа појава почнала да станува хронична, но голем дел од тие лица не побарале медицинска помош.

Според статистички податоци минатата година околу 36 отсто од населението во Грција се наоѓале на прагот на сиромаштија и социјална изолација поради кризата.

– По воведените мерки за штедење бројот на самоубиства се зголемил за 35 проценти, нагласи професорката по психијатрија Марина Иконому.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.