Македонската ракометна репрезентација забележа победа над Украина (27-21) на почетокот од квалификацискиот цисклус за пласман на ЕП во Хрватска 2018.
– Уште пред почетокот на натпреварот со Украина изјавив дека мора да бидеме подготвени за секој натпревар. Очекувавме полесен натпревар, но ете се случи тоа да се мачиме до 55. минута. Многу се истрошивме вечерва, ќе треба добро да се одмориме овие неколку дена и квалитетно да се подготвиме за Чешка бидејки таму нè очекува навистина тежок натпревар. Украинците не нè изненадија вечерва, ние имавме многу грешки, промашени зицери. Овие денови ќе работиме на намалување на грешките за во Чешка да одиме спремни и да не дозволиме да нè изненадат со нивната игра. Мислам дека вечерва одбраната можеше да одигра подобро. Во Чешка токму таа ќе го одлучи победникот – изјави Талески.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
