Илија Несторовски е најсветлата точка во екипата на Палермо. 26-годишниот македонски репрезентативец постигна уште еден гол сезонава во поразот на домашен терен од Удинезе и повторно доби лавина пофалби од страна на италијанските медиуми.
Денеска, Несторовски и неговиот Палермо гостуваат кај екипата на Каљари во обид да се запише втората сезонска победа. Македонскиот фудбалер преку ФБ испрати порака до најверните навивачи на екипата, дека тој и неговите соиграчи нема да престанат со борба до самиот крај.
– Навивачи, нема да престанеме со борба за овој дрес. Палермо до крај – беше пораката на Несторовски пред денешниот натпревар.
Сицилијанската екипа игра подобро на гости оваа сезона, па очекувано се надева на изненадување на „Сент Елиа“ во Каљари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
