Анџелина не е првата позната личност која поради ризикот од рак реши да ги отстрани своите гради.
Во ноември минатата година, сопругата на пејачот Ози Озборн и мајка на водителката Кели Озборн, Шерон, ѝ обелодени на јавноста дека направила мастектомија, односно операција за целосно или делумно отстранување на едната или на двете дојки.
Шерон Озборн
– Сакав да бидам сигурна дека ќе имам уште време да го потрошам со моите деца и внуци – изјавила таа, додавајќи дека воопшто не жали за оваа одлука бидејќи едноставно не сакала цел живот да го помине во страв од болеста.
Бил и Џулијана Ранчиќ
Познатата водителка на најпознатата шоу-биз телевизија „Е!Ентертајнмент“, Џилијана Ранчиќ, во 2011 година направи операција за отстранување на градите и ги сведе на минимум откако при редовниот преглед ѝ беше откриен рак на дојката. Таа ја имаше целосната поддршка од нејзиниот сопруг, актерот Бил Ранчиќ, со кого подоцна таа година го добија синчето Дјук.
Кристина Апелгејт
Во 2008 година популарната комичарка и актерка Кристина Апелгејт навреме откри дека има рак на двете дојки и подлегна на двојна мастектомија. И таа три години подоцна без проблем забремени и роди ќеркичка.
Мишел Хитон
Двојна мастектомија како превенција на ракот на дојка минатата година направи и британската пејачка и тв водителка Мишел Хитон, која се одлучи на тој потег откако дозна дека ризикот да ја добие болеста беше дури 80 проценти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
