Владата на Велика Британија загрижена за последните инциденти на фудбалските терени

Владата на Велика Британија го осуди навивачкото насилство кое се случи на осминафиналниот натпревар од Лига Купот меѓу лондонските ривали Вест Хем и Челзи (2-1), а исто така се надева дека овој инцидент нема да биде искра за нов бран на хулиганизмот во фудбалот.

Во средата навивачите на Вест Хем и Челзи приредија „трето полувреме“ откако имаа жестока меѓусебна тепачка, а британскиот министер за спорт Трејси Крауч остро го осуди овој инцидент.

– Фудбалот и властите цели 30 години напорно работат за да се избегнат овие инциденти. Сигурно никој не сака да се повторат мрачните моменти од 70-тите и 80-тите години. Се надевам дека ова нема да биде искра на нов бран на хулиганизмот во фудбалот – вели Крауч.

Вчера полицијата објави дека привела седум хулигани и дека тој број ќе се зголеми во текот на наредните денови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.