Туристите од Грција се најбројните гости во март годинава што престојувале во Македонија. Најчест град што го посетувале е Скопје.
По нив следат туристите од Србија и од Турција, а меѓу дестинациите каде што биле најбројни туристите е Скопје.
Според податоците на Државниот завод за статистика, од Грција бројот на туристи изнесува 5.019, од Србија 2.615 и од Турција 2.578. Скопје, како што покажуваат податоците, го посетиле 11.158 туристи.
Бројот на туристи во март во земјава изнесува 34.495 и во однос на март лани бележи пораст од 7,5 проценти. Пораст од 18,4 отсто е забележан кај странските туристи, а кај домашните има намалување за 8,8 отсто.
Бројот, пак, на ноќевањата изнесува 73.241 и бележи пораст од 10,2 отсто. Кај домашните туристи има намалување на ноќевањата за 4,5 отсто, а бројот на ноќевањата на странските туристи бележи зголемување за 22,6 отсто.
Раст на бројот на туристи од 2,8 отсто е забележан и во првите три месеци од годинава, при што кај домашните има намалување за 1,5 отсто, а кај странските зголемување за 3,5 отсто.
Во периодот јануари- март 2013 година, во однос на истиот период од претходната година, бројот на ноќевањата е зголемен за 4,3 отсто, при што кај домашните туристи има зголемување за 1,4 отсто, а кај странските има зголемување за 6,9 отсто.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
