Со денешните осум натпревари во групите А, Б, Ц и Д се комплетираше третото коло во Лигата на шампионите.
Фаворитите без проблеми славеа над противниците, и со забрзано темпо грабат кон првото место во своите групи.
Најубедлив беше Арсенал кој буквално го потопи Лудогорец нанесувајќи му тежок пораз со резултат 6-0. анчез и Волкот погодија во првиот дел, потоа Озил стапи на сцена во второто полувреме со својот хет – трик, а конечниот резултат го постави Окслејд Чемберлен со гол во самиот финиш од мечот.
Барселона го декласираше Манчестер сити на „Камп Ноу“ со 4-0, а ниту Пеп Гвардиола нема „лек“ за Лионел Меси. Аргентинецот одигра одличен меч и со хет – трик ги декласираше „граѓаните“ во најинтересниот меч од вечерашната програма во Лигата на шампионите. Во завршницата Нејмар не успеа да реализира пенал, што исто така беше направен над Меси, а на крајот се „извини“ со четврти погодок.
Меси го отвори резултатот во 17.минута, а откако на почетокот на вториот дел Клаудио Браво заработи црвен картон, Манчестер сити тотално го загуби компасот. Меси стрелаше и во 61. и во 69.минута за убедливо водство, а потоа и Барселона остана со играч помалку поради исклучувањето на Матиу. Но, веќе се беше решено. Нејмар беше стрелец на четвртиот гол за Барселона.
Баерн Минхен фуриозно го започна мечот на „Алијанц Арена“ и за само 20 минути имаше предност од 2-0 во натпревар против холандскиот претставник во Лигата на шампионите екипата на ПСВ. Стрелци беа Милер и Химик, а ПСВ успеа да ја преполови разлика до крајот на првиот дел со голот на Нарсинг. Во второто полувреме се си дојде на свое место бидејќи баварците успешно стрелаа уште два пати. Левандовски и Робен го заклучија конечниот резултат од 4-1.
Атлетико Мадрид во свој стил минимално славеше на гостувањето во Русија кај Ростов (0-1). Единствениот погодок за екипата на Диего Симеоне го постигна Јаник Караско, кој прв стигна на добиената топка за нови три бода за „јорганџиите“.
Лига шампиони, резултати
Група А:
Арсенал – Лудогорец 6-0, ПСЖ – Базел 3-0
Табела: Арсенал 7, ПСЖ 7, Базел 1, Лудогорец 1.
Група Б:
Динамо Киев – Бенфика 0-2, Наполи – Бешикташ 2-3
Табела: Наполи 6, Бешикташ 5, Бенфика 4, Динамо Киев 1.
Група Ц:
Барселона – Манчестер сити 4-0, Селтик – Борусија М. 0-2
Табела: Барселона 9, Манчестер сити 4, Борусија М. 3, Селтик 1.
група Д:
Баерн Минхен – ПСВ Ајндховен 4-1, Ростов – Атлетико М. 0-1
Табела: Атлетико Мадрид 9, Баерн Минхен 6, Псв 1, Ростов 1.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
