Турската полиција уапси 25 лица поради експлозиите во Анталија

Во Турција денеска се уапсени 25 лица, кои се осомничени за поврзаност со курдските екстремисти, кои турските власти ги обвинуваат за експлозиите во Анталија.

Апсењата се спроведени по симултаните полициски акции во шест провинции, меѓу кои се Истанбул, Анкара и Дијарбекир.

Две експлозии одекнаа вчера во рибарница во Анталија, туристичко место во јужниот дел на Турција, но за среќа немаше жртви. Истовремено, две импровизирани експлозивни направи се фрлени од блиската планинска област кон автопатот меѓу Анталија и летувалиштето Кемер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.