Беки Знек и нејзиниот свршеник Марк Хигинс ги изгубиле сите работи што ги поседуваат откако за да се преселат ангажирале компанија која ја пронашле на „Фејсбук“.
– Го најдов профилот на „Фејсбук“ каде што имаа доста позитивни оцени и коментари. Се договорив со мојот свршеник и ги повикавме. Дојдоа навреме, како што се договоривме, а за околу еден час веќе спакуваат сѐ што имавме, раскажале Беки.
Дел од работите биле во кутии, а другите парчиња мебел и останатите предмети ги замотале во заштитна пластика. За кратко луѓето кои ги ангажирале им рекле дека се брзаат и дека имаат друга обврска за еден час, што набрзо откриле дека е лага.
– Поминаа околу 45 минути откако тргнаа со возилото полно со нашите работи од станот, но нив сѐ уште ги немаше пред адресата која им ја дадовме. Ги барав повеќе од 40 пати на телефон, но не успев да ги добијам – изјавила Беки.
Во својот нов дом тие останале само со 7-месечното бебе помеѓу празни ѕидови. Целата заштеда која ја имале претходно ја инвестирале за да отворат кафуле.
– Некои луѓе ни помогнаа со тоа што ни донираа мебел, но сепак сѐ уште ги немеме сите неопходни работи за домот. Освен работите вредни околу 11.000 евра, ние изгубивме и наши спомени, фотографии, драги предмети и подароци. Сето тоа го однесоа со своето комбе крадците од лажната фирма за селење – завршила Беки.
Случајот го пријавиле во полиција, која работи на откривањето на криминалците.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
