Грците се свртеле кон медитеранска исхрана, како резултат на економската криза, покажа најновото истражување на грчкиот Центар за заштита на потрошувачите (KEPKA).
Според анкета спроведена на примерок од 1.059 потрошувачи низ цела Грција, бројот на луѓето кои јадат во ресторани и синџири за брза храна значително е намален во споредба со 2011 година. Покрај тоа, луѓето ги менуваат нивните навики во исхраната затоа што повеќе не можат да ги купат основните прехранбени производи.
– Грците ги подобрија нивните навики за јадење и се свртеа кон медитеранска исхрана, како резултат на економската криза, изјави претседателот на Центарот за заштита на потрошувачите, Никос Цемперлидис.
Како што јави дописникот на МИА од Атина, лебот, зеленчукот и овошјето се вратиле на семејната трпеза. Од друга страна, црвеното месо, рибата, помфритот и безалкохолните пијалоци се ограничени само на еднаш неделно. Слатките, мешункастите плодови, тестенините, пилешкото месо, јајцата и млекото се трошат неколку пати неделно, додека потрошувачката на јагнешко и козјо месо е ограничено на еднаш месечно.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Расистички скандал во Грција: Коментатор нарече црномурест играч „мајмун“
-
Нова демократија: Владата се наоѓа во распаѓање поради Договорот од Преспа
-
Воружен инцидент на границата со Грција: Војници на АРМ отвориле оган во обид да спречат поголема група мигранти да влезат на македонска територија!
-
УНХЦР: Расте бројот на мигранти и бегалци кои од Турција доаѓаат во Грција
