Пандев го кажа она што сите го мислат: Сега сите можеме во пензија и да им го отстапиме местото на овие фудбалски херои

„Сега сите може да одиме во пензија и да им го отстапиме местото за брзо време на овие наши фудбалски херои. Тие се иднината на нашата држава“, изјави за Македонски спорт нашиот најдобар фудбалер Горан Пандев.

Нема кој не им се поклони, нема кој не им честита на младите фудбалери на Македонија. Успехот на младата репрезентација и пласманот на ЕП е историски. Воодушевен од фудбалското востание во Скопје е и нашиот најдобар фудбалер на денешницата.

“Тие се херои, тие се спасот на фудбалот во Македонија. Конечно и ние да се радуваме на фудбалски успех. Браво момци од се срце. Вие сте нашата иднина. Ние повозрасните сега можеме мирно да одиме во пензија. По настапот на ЕП вашето место е со сениорите. Ако ние не можевме барем Вие да направите нешто повеќе“, ни изјави Пандев од Џенова.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.