Руски научници докажаа дека молитвата лекува

По дефиниција молитвата е облик на обраќање кон Бога, воспоставување на однос кон Бог или било какво божество, односно божица, бог или богови. Луѓето од православна или католичка исповед обично им се молат на светците, на Богородица и на ангелите чувари.

Неодамна, руските научници од универзитетот во Санкт Петерсбург материјално докажале дека чудесните излекувања поврзани со духовноста , се вистинити и откриле многу телесни и душевни промени кои човек може да ги доживее во моментот на молитвата или за време на некој верски обред.

Научниците докажале дека верникот задлабочен во молитвата целосно ја исклучува мозочна кора, а тоа означува комплетна сигурност и отсуство на стрес.

Тие велат дека молитвата е лек против негативно размислување. Професорот и директор на Лабораторијата за невропсихофизиологија на Институтот за истражување и развој на психоневрологија во Санкт Петерсбург, Валери Слезин успеал да ја измери моќта на молитвата и утврдил дека монахот кој се моли целосно ја исклучува мозочната кора што е забележано и кај децата до три месеци кои се сигурни и безбедни во близина на својата мајка.

Како луѓето растат, чувството на сигурност се повеќе се намалува, а се зголемува мозочната активност. Активноста се намалува единствено во текот на длабокиот сон и молитвата, а тоа добро влијае врз луѓето.

-Молитвата е силен лек и не само што ги регулира сите процеси во човечкиот организам, туку и ја обновува уништената структура на свеста, тврди Слезин.

Поголемиот дел од болестите се предизвикани од негативни ситуации и умствено потенцирани проблеми кои во текот на молитвата се повлекуваат или целосно исчезнуваат.Научниците докажале дека по одржување на мисите и други верски обреди се нормализира крвниот притисок и другите вредности измерени во крвта.

Наводно е докажано дека и звукот на црковното ѕвоно ги убива вирусите, а светата вода ги менува својствата на излекување зависно од степенот на верувањето на верникот што само е дополнување на теоријата за „меморија на водата“ дека водата всушност има способност да памети. Експерименти вршени во многу земји од светот покажале дека водата прима и ги бележи сите надворешни случувања. Памети се што се случило во просторијата која ја опкружува. Секоја материја која доаѓа во допир со водата, остава трага во неа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.