Селекторот на фудбалската репрезентација на Франција, Дидие Дешамп, испрати јасна порака до најскапо купениот фудбалер на денешницата, Пол Погба, дека од него очекува далеку подобри партии на зелениот терен.
Одличниот играч за врска пред неколку месеци беше купен од Манчестер Јунајтед за рекордни 110 мил. евра, но на почетокот од новата сезона игра во променлива форма.
– Пол може и треба да игра многу подобро. Кога има подефанзивна улога во тимот, не можам да го видам најдоброто од него. Некои задачи ги одработи коректно, но знам дека може и многу подобро од ова, изјави Дешамп.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
