Ноќва во 02.50 часот во Скопје на ул.„Радишанска“ на паркинг настанал пожар во кој целосно биле опожарени автомобилите „фиат пунто“, сопственост на Г. Љ. (1997) од Скопје и „сузуки свифт“ сопственост на А.П.(1964) од Скопје, а делумно биле опожарени автомобил „ауди“ сопственост на правно лице, а паркирано од страна на В.С.(1978) од Скопје, и „БМВ Х5“ со бугарски национални ознаки сопственост на правно лице „Спидекс интернационал“, а паркирано од страна на Ѓ. К. (1966) од Скопје, кои биле во непосредна близина на опожарените возила.
Пожарот е целосно изгаснат во 03.30 часот од страна на екипа од БППЗ-Скопје.
Сеуште не е позната причината за опожарувањето, како и од кое возило започнал пожарот. Увид ќе се врши во текот на денот.
Фото: архива
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
