Времето денеска во Македонија ќе биде променливо облачно со повремени врнежи од дожд. Повеќе врнежи ќе има попладне и во вечерните часови кога на места ќе бидат пообилни, особено во северозападните и источните делови. Локално се очекува да паднат 25 литри на еден квадратен метар.
Утринската температура ќе се движи од два до девет, а дневната од 14 до 21 степен.
Во Скопје слично време, променливо облачно, попладне и во вечерните часови со повремени врнежи. Утринската температура ќе се спушти до шест, а дневната ќе се искачи до 18 степени.
Во сабота ќе преовладува променливо облачно време, со сончеви периоди кои ќе бидат позастапени во источните делови. Ќе дува слаб до умерен северен ветер, а максималната температура ќе биде без промена.
Во недела ќе биде претежно сончево со пониска утринска температура, од еден до осум, а повисока дневна од 16 до 23 степени.
Првите два дена од наредната седмица се очекуваат локални врнежи од дожд, но со послаб интензитет.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
