Тројца мажи во Kавадарци изгубиле прсти додека мелеле пиперки за ајвар со помош на електрична бормашина, објави „Дневник“.
Ова се случило изминативе неколку дена, а вчера сите тројца биле оперирани во ист ден. Информацијата за „Дневник“ ја потврди началникот на хируршкото одделение при Општата болница во Kавадарци, д-р Дано Kулев.
– Станува збор за три лица кои на нашето одделение беа примени со трауматски ампутации на прсти, повреди настанати при мелење пиперки за ајвар со електрична бормашина. Kако што самите ни објаснија, на сите нив им бил потфатен по еден прст додека дотурале пиперки во машинките за мелење. Притоа им биле откинати врвовите од прстите – изјави Kулев за „Дневник“.
Поради сериозноста на повредата, тројцата средовечни кавадарчани морало да бидат оперирани.
– Бидејќи на пациентите им недостигаше по дел од прстот, пристапивме кон посебна медицинска постапка и обработка на повредениот дел. Мораше на соодветен начин да се третира и сошие местото каде што беше откинат и изгубен врвот од прстот. Во таков случај најпрвин се вади дел од коската на прстот, се оформува повредениот дел и на крајот се шие. Повредените се с` уште на нашето одделение, средени и во стабилна состојба – ни соопшти Kулев.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
