Тазе албански гласови за бајати разговори

Пе­тре Ши­ле­гов, глас­но­го­вор­ни­кот на СДСМ, за­ста­на со цел па­мет и де­сти­ли­ра­на хра­брост да по­со­чи кон ВМРО-ДПМНЕ ка­ко ви­нов­ник за об­ја­ву­ва­ни­те те­ле­фон­ски раз­го­во­ри на ал­бан­ски ја­зик. Теч­но под­го­твен де­ка ќе ус­пее во на­ме­ра­та да убе­ди ко­го би­ло над­вор од не­го­ви­от кам­пус де­ка ова исте­ку­ва­ње од фо­но­те­ка­та на За­ев ќе мо­же да го при­шие на те­за­та „ВМРО прис­лу­шу­ва“. Тоа е про­дол­же­ние на ома­ло­ва­жу­ва­ње­то на јав­но­ста сме­тај­ќи ја за ма­са со кра­тко пом­не­ње, кра­тко­ви­дост и не­раз­би­ра­ње во по­ли­тич­ки­те игри.

Но, не тре­ба мно­гу да се со­бе­рат два и два ко­му тоа му оди во при­лог се­га да се ури­ва реј­тин­гот на пар­ти­и­те на ал­бан­ски­от блок и при­тоа да го по­крие откри­е­ни­от зад­ник? СДСМ очај­но се оби­ду­ва да ја вра­ти на сце­на си­ту­а­ци­ја­та во ко­ја не­о­дам­на, со сни­ме­ни­те де­ло­ви од раз­го­во­ри пре­ку ин­тер­нет, За­ев се со­кри од из­бо­ри­те во април. Са­мо што се­га, отка­ко аген­да­та за по­ал­бан­чу­ва­ње на Ма­ке­до­ни­ја не му по­ми­на во јав­но­ста, а со тр­го­ви­ја­та со пра­те­нич­ки­те ме­ста ги де­се­тку­ва­ше де­мон­стран­ти­те, му оста­на са­мо да се на­де­ва на ал­бан­ски­те гла­со­ви при евен­ту­а­лен пад на реј­тин­гот на ДУИ.

За по­тсе­ту­ва­ње, за­е­ви­сти­те тр­гу­ваа со сни­ме­ни­те раз­го­во­ри до­де­ка тра­е­ше јав­но­то бом­бар­ди­ра­ње со раз­го­во­ри­те; отво­ре­но уце­ну­ваа и ре­ке­ти­раа ком­па­нии во др­жа­ва­ва; ги ко­ри­стеа за по­ли­тич­ки­те чис­тки во опо­зи­ци­ја­та; го на­ми­ри­ја ма­ке­дон­ско­то под­зем­је вклу­че­но во пар­ти­ја­та за дел­ка­ње па­со­ши и лич­ни кар­ти; из­дејс­тву­ваа про­дол­жу­ва­ње на фи­нан­си­ска­та аго­ни­ја на пар­ти­ја­та со про­дол­жу­ва­ње на исте­че­ни­от хи­по­те­ка­рен рок; а се­га пар­ти­ска­та фо­но­те­ка се ко­ри­сти за по­ни­жу­ва­ње на ДУИ за да мо­же членс­тво­то на СДСМ, кол­ку-тол­ку, со ал­бан­ски­те гла­со­ви, а без ме­ста­та ве­те­ни за град­ски­те мо­ле­ри, да офор­ми пра­те­нич­ка гру­па во ид­ни­от со­став на пар­ла­мен­тот.

Во це­ла­та си­ту­а­ци­ја во ко­ја пла­тфор­ма­та на­пи­ша­на од „по­ви­со­ки­те од над­вор“ пре­диз­бор­но му се удри од гла­ва, СДСМ се фа­ќа за тоа што мо­же. Ка­ко коц­ка­ри со ту­ѓи па­ри, за­е­ви­сти­те се ста­ве­ни во пат-по­зи­ци­ја да мо­ра да се ва­дат, од ед­на стра­на, др­жеј­ќи се за пла­тфор­ма­та за ко­ја За­ев го „под­го­тву­ва­ат по­дол­го вре­ме“ и му се „да­де­ни на­со­ки и пре­по­ра­ки“ (ка­ко што му пи­шу­ва За­ев на Мен­дух Та­чи), а, од дру­га стра­на, да се оби­дат да не ис­чез­нат од ма­па­та на по­ли­тич­ки­те пар­тии по­ра­ди по­дел­ба­та на пра­те­нич­ки­те ме­ста со де­мон­стран­ти­те.

За­тоа се за­и­гра на две очај­нич­ки по­ли­ња. Од ед­на стра­на, пре­ку кон­та­кти­те на не­за­вис­на­та но­ви­нар­ска, а се­га но­ва пар­ти­ска ѕвез­да Му­ха­мед Зе­ки­ри бе­ше акти­ви­ра­но ко­сов­ско­то под­зем­је. Не­за­вис­но да­ли тој им ги пре­дал раз­го­во­ри­те или до нив са­мо пре­нел што и ка­ко се оче­ку­ва да одра­бо­тат, еми­ту­ва­ње­то на раз­го­во­ри­те на чел­ни­ци­те на ДУИ пре­ку со­ци­јал­ни­те мре­жи ко­ин­ци­ди­ра со вре­ме­то на сред­ба­та на Ко­со­во. Од дру­га стра­на, за тие лу­ѓе со кои се срет­нал Зе­ки­ри се знае де­ка би­ле бли­ски на не­у­тра­ли­зи­ра­ни­те гру­пи во по­ли­ци­ски­те ак­ции „Бро­дец“ и „Ди­во На­се­ље“. Две­те ак­ции беа бол­ни те­ми за Зе­ки­ри и при не­го­во­то но­ви­нар­ско одра­бо­ту­ва­ње. Да­ли при­тоа Зе­ки­ри со оваа гру­па до­го­ва­рал и друг ан­гаж­ман во пре­диз­бо­ри­е­то не е те­шко да се пред­ви­ди, но тоа што е си­гур­но е де­ка не му би­ло те­шко да им ја про­да­де при­каз­на­та де­ка ДУИ, со тоа што не за­ста­на­ле во од­бра­на на нив­ни­те бра­ќа-со­бор­ци, зас­лу­жу­ва да би­дат цел на јав­на ди­скре­ди­та­ци­ја.

Во исто вре­ме, до­де­ка трае на­па­дот врз ДУИ, За­ев ја акти­ви­ра­ше и не­го­ва­та Ка­ти­ца Ја­не­ва. Спе­ци­јал­на­та, цр­пеј­ќи го ле­ги­ти­ми­те­тот од со­бра­ни­ски­от со­став кој­што за неа е ле­ги­ти­мен, ја за­ма­ју­ва­ше јав­но­ста не­кол­ку де­на со ме­ди­цин­ски кон­тро­ли­ран на­стап во кој ги на­вре­ду­ва­ше пра­те­ни­ци­те, па ги мо­ле­ше да ѝ овоз­мо­жат бе­ско­неч­ност и не­о­гра­ни­че­ни мож­но­сти. При­тоа, се­ка­ко, не ка­жа кој прис­лу­шу­вал, ка­ко прис­лу­шу­вал, да­ли го има­ло За­ев на сним­ки­те, па и од ка­де по­втор­но пре­ку со­ци­јал­ни­те мре­жи ги слу­ша­ме раз­го­во­ри­те на Али Ах­ме­ти и дру­ги­те од ДУИ ако За­ев ѝ ги пре­дал си­те ма­те­ри­ја­ли? Ја­не­ва го оди­гра до­го­во­ре­но­то и ја на­пу­шти сед­ни­ца­та, со нај­а­ва де­ка не­ма да се вра­ќа. Исто ка­ко што пред шест ме­се­ци од­лу­чи да не се по­ја­ви да го од­бра­ни из­ве­шта­јот за ра­бо­та, ни­ту пред со­бра­ни­ска­та ко­ми­си­ја, ни­ту пред Со­ве­тот на јав­ни об­ви­ни­те­ли. Оваа со­бра­ни­ска епи­зо­да на Ја­не­ва се­га бе­ше во функ­ци­ја са­мо и са­мо ка­ко ос­но­ва за За­ев да мо­же да го на­пи­ше ку­ка­вич­ко­то пис­мо до ам­ба­са­ди­те, во обид за спас на ко­жич­ка­та.

Во це­ла­та игра на СДСМ де­ка „ВМРО прис­лу­шу­ва и се­га пу­шта раз­го­во­ри“, а МВР со пар­ти­ски­от ге­не­ра­лен се­кре­тар Оли­вер Спа­сов­ски на че­ло не­ма да мрд­не со прст за­ра­ди по­втор­но­то бом­бар­ди­ра­ње, се­га СДСМ оче­ку­ва да на­ста­не ед­на но­ва со­стој­ба во ко­ја при­ти­со­кот би тре­ба­ло да пад­не врз Јав­но­то об­ви­ни­телс­тво на Мар­ко Звр­лев­ски. Се­ка­ко, ка­ко дел од вне­су­ва­ње раз­дор на ста­ро-но­ва­та вла­де­јач­ка ко­а­ли­ци­ја, ка­ко што по­ка­жу­ва­ат ан­ке­ти­те за из­бо­ри­те. До­кол­ку, пак, ОЈО и де­лот од МВР по­втор­но из­не­на­дат, она­ка ка­ко што из­не­на­ди­ја во слу­ча­јот со За­хир Бе­ќи­ри Ча­у­шот, ду­ри то­гаш би се акти­ви­ра­ле Ја­не­ва и СЈО, чи­ја­што ос­нов­на за­да­ча се ток­му не­ле­гал­но сни­ме­ни­те те­ле­фон­ски раз­го­во­ри во обид да ја ис­пег­ла­ат си­ту­а­ци­ја­та.

Во комп­ју­тер­ски ин­ста­ла­ции на Ча­у­шот беа нај­де­ни око­лу 70 ил­ја­ди раз­го­во­ри, а спо­ред по­ли­ци­ја­та дел од пап­ки­те на хард ди­ско­ви­те и пре­нос­ни­те ме­мо­ри­ски кар­тич­ки би­ле кре­и­ра­ни ду­ри и отка­ко Ча­уш бил во за­твор. То­гаш се по­со­чи­ја и вр­ски­те на чле­нот на СДСМ со дру­ги­те под­зем­ја на Бал­ка­нот, во Ср­би­ја и во Ко­со­во. Не бе­ше из­не­на­ду­ва­ње де­ка тие ќе из­ле­зат на ви­де­ли­на, ни­ту, пак, де­ка тоа во не­кој мо­мент не­ма да би­де упо­тре­бе­но во ко­рист на СДСМ.

При­ви­дот де­ка СДСМ во овие 100 пре­од­ни де­но­ви ќе оста­ви на при­вре­ме­на­та ко­ми­си­ја за ме­ди­у­ми да се гри­жи за тоа да­ли не­кој не­доз­во­ле­но вли­јае врз јав­но­ста бр­зо пад­на во во­да. СДСМ ни­ко­гаш не мо­жел да се под­го­тви за из­бо­ри без цр­на кам­па­ња, ни­ту без шу­ру­ва­ње со под­зем­је­то. Но, об­ја­ву­ва­ње­то на раз­го­во­ри­те ни­ту до­се­га му до­не­се, ни­ту отсе­га ќе му до­не­се по­ли­тич­ки реј­тинг на За­ев, ба­рем не за тоа што го за­го­ва­ра. Ве­ќе сѐ е јас­но, са­мо уште во СДСМ да се осве­стат де­ка ал­ба­ни­за­ци­ја­та на ко­ја се под­го­тве­ни не ми­ну­ва ни­ту кај Ал­бан­ци­те ни­ту кај Ма­ке­дон­ци­те. За тоа има­ат, ба­рем за­се­га, уште се­дум­де­се­ти­на де­но­ви.

Пишува: Наум Стоилковски
(Текст објавен во 213. број на неделникот „Република“, 30.09.2016)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.