Во меѓупросторот помеѓу Македонија и Грција, во близина на задниот дел на напуштениот Фри-шоп, вчера околу 15.00 часот полициски службеници од граничен премин „Богородица“ пронашле патна торба во која имало една автоматска пушка М70 АБ 2 и две празни рамки за муниција.
По извршеното пребарување на непосредната околина, соопшти денеска МВР, во 15.30 часот на околу 30 метри оддалеченост, пронашле уште три торби во кои имало осум пакувања, секое со тежина од околу 400-500 грама непозната тревкаста материја, најверојатно марихуана.
Увид на местото на настанот извршила екипа од Полициската станица, Крим-техника и НК КР Гевгелија, а пронајдените предмети се подигнати за понатамошна постапка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
