Парис Хилтон е во Белград, за 45 минути ќе добие огромни пари (ФОТО)

Парис Хилтон на полноќ пристигна на белградскиот аеродром „Никола Тесла“. Вечер богатата наследничка, која од неодамна е диџеј, ќе пушта музика на една ВИП забава во Белград.

Видно расположена и со насмевка на лицето, Парис трпеливо им позирала на српските фоторепортери.

– Слушнав сè најдобро за Србија и планирам уште еднаш да дојдам, но тогаш ќе останам подолго. Летот беше многу пријатен, а ви ветувам луда забава – рекла богатата наследничка на насобраните новинари.

Инаку, Парис која последните четири години активно се занимава со диџејство, вечер ќе настапува на една ВИП забава што ја организира позната козметичка марка. Предвидено е настапот да трае 45 минути, а за овој ангажман Хилтон ќе добие 100.000 евра.

Освен Парис, на забавата како специјални гости ќе се појават и францускио актер Ален Делон и музичарот Шон Пол.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.