Ќе се снима филм за Меси – кој ќе го глуми најдобриот фудбалер во светот?

Холивудската продуцентска куќа „Епик Пикчрс“ („Epic Pictures“) ги откупи правата за снимање на биографијата на најдобриот фудбалер во светот и веќе започна со подготовките за екранизацијата на „Меси: Приказната за момчето кое стана легенда“.

Претставниците на студиото наскоро ќе ги започнат состаноците со потенцијалните режисери и сценаристи, бидејќи филмот се планира да биде готов за Светското првенство во Бразил, следната година.

Како што пренесуваат светските медиуми, сржта на приказната ќе се задржи за неговото тешко детство и како од слабичко и сиромашно аргентинско момче тој стана легенда.

– Целта е да направиме силно емотивен, но истовремено и позитивен филм кој ќе ја инспирира публиката – соопштуваат од „Епик Пикчрс“.

Останува да видиме која холивудска ѕвезда ќе се појави во ликот на Лионел.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.