Министерот за транспорт и врски, Владо Мисајлоски, од денеска во Берлин учествува на саемот за транспортна технологија „ИноТранс 2016“, којшто на секои две години се одржува во Германија.
Поделен во пет сегменти: железничка технологија, железничка инфраструктура, јавен транспорт, внатрешно уредување на транспортни средства и изградба на тунели „ИноТранс 2016“ е најголемиот саем за овој вид индустрија на светот.
Покрај презентациите на компаниите од овој бизнис-сектор што можат да се видат во повеќе од 40 хали на Берлинскиот саем, на специјалниот отворен простор се претставени различни видови транспортни средства на над 3.500 метри специјално поставени железнички шини.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
