Неколку пати во својата кариера Рафаел Надал мораше да објаснува по обвинувања за користење допинг. Последниот скандал предизвкан во руските хакери го вбројува и шпанскиот тенисер меѓу спортистите што користеле лекови од забранетата листа. Сепак, Надал ја откри мистеријата околу случајот.
– Кога бараш и добиваш дозвола за лек кој е дел од терапијата, тогаш не си направил ништо што не е дозволено. Никогаш не сум користел нешто што би ги подобрило моите перформанси. Лековите ги користев бидејќи докторот мислеше дека тие се најдобри за моето колено. Спортот мора да биде чист и тоа мора на сите да им биде јасно. Не смееме да ги изневериме луѓето. Би било добро за спортистите, медиумите и навивачите резултатите од допинг-тестовите да бидат јавно објавувани. Сметам дека на тој начин би бил решен проблемот – рече Надал.
Во светот на тенисот казните за позитивните на допинг-тестовите се драконски и не се така чести како во другите спортови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
