Експлозија на ранец-бомба во Њу Џерси

Двајца бескуќници пронашле сомнителен предмет, односно ранец, во канта за ѓубре

Рано утрово по средноевропско време дошло до силна експлозија во близина на железничка станица, каде што пред инцидентот бил пронајден сомнителен пакет.

Во почетокот се раширила информација дека се работи за контролирана експлозија која ја предизвикал робот-бомба, кој го испитувал сомнителниот предмет.

Меѓутоа, градоначалникот на Њу Џерси изјави дека експлозијата не била контролирана и дека се случила додека надлежните се обидвале да го деактивираат ранецот, пренесува РТ.ком.

Ранецот бил пронајден во канта за ѓубре во близина на станицата, а го пронашле двајца бескуќници кои мислеле дека во него има нешто вредно. Но, кога виделе жици, го фрлиле и ја известиле полицијата, која сѐ уште работи на случајот.

Четири блока подалеку од местото на експлозијата полицијата пронала уште една бомба, која е предадена на ФБИ и е на вештачење во Вирџинија.

Железничкиот сообраќај е запрен на оваа линија, а целата област е евакуирана. Сообраќајот бил блокиран утрово околу 9.30 по локално време на мостот Веракано, кој ги поврзува Бруклин и Стетн Ајленд.

#Pipe #bombs found at #Elizabeth Train Station, #NewJersy. NJ bound Amtrak & NJT trains held in Penn Station pic.twitter.com/iScm2jKtxr

— Michael Harris Ph.D (@michaelharrisdr) September 19, 2016

„Њујорк дејли њуз“ пренесува дека било пронајдено оружје во автомобил, а едно лице е идентификувано од снимките на надзорните камери, но нејасно е дали е меѓу петтемина повредени.

FBI Bomb Squad is on scene and continuing the investigation at the train station in Midtown Elizabeth. pic.twitter.com/qvmzsgisjC

— Chris Bollwage (@MayorBollwage) September 19, 2016

Портпаролот на полициската управа на Њујорк одбива да ги потврди информациите што ги пласираа медиумите дека се работи за терористички чин и нагласува дека истрагата е во тек.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.