Груевски: Прометот во индустријата зголемен и покрај кризата која ја креира опозицијата

Во јули прометот во индустриското производство изнесуваше 13,6% проценти раст во однос на претходната година, а за првите 6 месеци е нешто над 10%.

-Ова укажува дека работите се движат во една добра насока во делот на индустријата, прометот во индустријата расте и тоа со прилично задоволителна стапка. Сигурен сум дека тој раст ќе беше уште поголем доколку не беше политичката криза која што ја создаде опозицијата но дури и со една таква препрека можам да кажам дека имаме задоволителен раст на прометот во индустриското производство, вели лидерот на ВМРО-ДПМНЕ, Никола Груевски.

Тоа покажува, додава Груевски, дека многу мерки кои што ги презеде Владата во изминатиот период вродуваат со плод, помагајќи им на компаниите се помага и растот на економијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.